ХҮИС-ийн зүгээс Имартад талархал хүргүүллээ

Алтай холдингийн санаачлагаар Скай хайпермаркет ХХК-ний зүгээс нийгмийн хариуцлагын хүрээнд оюутан, залуусынхаа тав тухтай орчинд сурч боловсрох боломжийг бүрдүүлэх зорилгоор Худалдаа Үйлдвэрлэлийн Их Сургуулийн 95 жилийн ойг тохиолдуулан "Уншлагын танхим"-ыг тохижуулж 2019-2020 оны хичээлийн шинэ жилийн нээлтийн өмнө хүлээлгэн өгсөн билээ. 

Үнэтэй хувь нэмэр оруулж, тусламж үзүүлсэнд талархлаа илэрхийлж Худалдаа Үйлдвэрлэлийн Их Сургуулийн захирал М. Должингийн зүгээс "Алтай холдинг" группийн ТУЗ-ын дарга Б. Баттүшиг, Скай хайпермаркет" ХХК-нийн гүйцэтгэх захирал Л. Жавзмаа нарт хүндэтгэл үзүүллээ.

Сургуулийн нийт хамт олон, оюутан залуустаа цаашдын ажил хөдөлмөр, сурлагад өндрөөс өндөр амжилтыг хүсэн ерөөе.